கோவை மாவட்டம், ஆனைகட்டி பகுதியில், உடலில் காயங்களுடன் ஒரு மக்னா யானை கடந்த ஒரு வாரமாக சுற்றி கொண்டிருக்கிறது. அந்த யானை கேரளா வனப்பகுதியில் இருந்து வெளியேறி, தமிழக வனப்பகுதியான கூடப்பட்டி என்கிற கிராமத்தின் அருகே வந்துள்ளது.
பெரியநாயக்கன்பாளையம் வனத்துறையினர் அந்த யானையை கண்காணித்து வருகிறார்கள். யானை தமிழ்நாடு மற்றும் கேரளா வனப்பகுதிகளுக்கு மாறி மாறி சென்று வருகிறது. இதன் காரணமாக யானைக்கு சிகிச்சை அளிப்பதில் தொடர்ந்து சிக்கல் நிலவுகிறது.
