கூட்டணி, முதல்வர் வேட்பாளர் குறித்த அனைத்து கேள்விகளுக்கும் டிசம்பருக்குள் பதில் – பாஜக நயினார் நாகேந்திரன் | Nainar Nagendran says alliance and CM candidate questions will be answered by December

பா.ஜ.க மாநில தலைவர் நயினார் நாகேந்திரன் மூத்த பா.ஜ.க தலைவர்களுடன் ஆலோசனை நடத்தினார்.

பின்னர் செய்தியாளர்களிடம் பேசிய அவர்,

“அ.தி.மு.க எம்.பி., சி.வி. சண்முகத்தை சந்தித்ததில் வியப்பு ஒன்றும் இல்லை. சென்னையிலிருந்து திருச்சி செல்லும் வழியில் அவர் வீட்டில் இருப்பதாக அறிந்தேன். அதன் அடிப்படையில் சந்தித்தேன். இது சிறப்பு வாய்ந்த சந்திப்பாக கூட இருக்கலாம்.

தேசிய ஜனநாயக கூட்டணியின் முதல்வர் வேட்பாளர் மற்றும் கூட்டணி குறித்த உங்கள் அனைத்து கேள்விகளுக்கும் வரும் டிசம்பருக்குள் பதில் கிடைக்கும்.

மக்கள் கூட்டணியை வைத்து மட்டும் வாக்களிக்க மாட்டார்கள். ஆனால், கூட்டணி அவசியம். கடந்த 1980-ஆம் ஆண்டு சட்டமன்றத் தேர்தல், 2001-ஆம் ஆண்டு சட்டமன்றத் தேர்தல் உள்ளிட்ட பல தேர்தல்களில் கூட்டணிகளை மீறி வெற்றிகள் கிடைத்துள்ளன.