கழிவறையில் காத்திருந்த நாகபாம்பு.. சுற்றுலா பயணி ஷாக் – வைரல் வீடியோ | இந்தியா

வீடுகளுக்குள் பாம்புகள் இருக்கும் வீடியோக்கள் சமூக ஊடகங்களில் அடிக்கடி வெளியாகின்றன. குறிப்பாக மழைக்காலங்களில் இதுபோன்ற சம்பவங்கள் அதிகரிக்கும். பாம்புகள் அறைகள், பீரோ, வாஷிங் மெஷின், ஏசி மற்றும் சீலிங் போன்ற இடங்களிலும், வாகனங்கள், ஹெல்மெட்கள், ஷூக்கள் போன்ற இடங்களிலும் நுழைகின்றன. இதுதவிர சில நேரங்களில் அவை கழிப்பறைக்குள் நுழைகின்றன. சமீபத்தில், இதேபோன்ற ஒரு சம்பவம் அஜ்மீரிலிருந்து நடந்தது, அங்கு ஒரு ஹோட்டலின் இரண்டாவது மாடியில் உள்ள ஒரு அறையின் உள்ள கழிப்பறை கமோடில் ஐந்து அடி நீளமுள்ள விஷமுள்ள நாகப்பாம்பு அமர்ந்திருப்பதைக் கண்டனர்.

தகவலின் படி ஒரு சுற்றுலாப் பயணி அஜ்மீரில் உள்ள ஹோட்டல் அறையில் ஓய்வெடுக்கச் சென்றார். அப்போது அவர் கழிப்பறைக்குச் சென்றபோது, ​​கழிப்பறையின் மூடியைத் திறந்தவுடன் அதில் ஒரு விஷப் பாம்பு சுருண்டு கிடப்பதைக்கண்டார். அந்த இளைஞனைப் பார்த்ததும், அது அவனைக் கடிக்க சீறிப்பாய்ந்தது. பாம்பை பார்த்ததும் அந்த இளைஞன் அலறி ஓடி ஹோட்டல் நிர்வாகிகளிடம் தெரிவித்தார்.

இந்த சம்பவம் குறித்து அறிந்ததும், ஹோட்டல் நிர்வாகம் உடனடியாக ராஜஸ்தான் கோப்ரா குழுவிற்கு கழிப்பறை கமோடில் ஒரு பாம்பு இருப்பதாக தகவல் அளித்தது. இதனையடுத்து சம்பவ இடத்திற்கு விரைந்து வந்த வனத்துறை குழுவினர், சுமார் 30 நிமிடங்கள் நீடித்த போராட்டத்திற்குப் பிறகு, நாகப்பாம்பு பத்திரமாக மீட்கப்பட்டு காட்டில் பாதுகாப்பாக விடுவித்ததால், உள்ளூர்வாசிகள் நிம்மதிப் பெருமூச்சு விட்டனர்.