சினிமா பாணியில் இளம்பெண்ணை கடத்திய உறவினர்கள்.. சிசிடிவி காட்சிகள் வெளியாகி பரபரப்பு! | இந்தியா

அப்போது முதல் ஸ்வேதா மற்றும் பிரவீன் குடும்ப உறுப்பினர்களுக்கு இடையே தகராறு இருந்து வந்துள்ளது. காதல் தம்பதிகள் இருவரும் உள்ளூரில் வசித்தால் பெண் வீட்டார் தொல்லை கொடுப்பார்கள் என்பதால், அவர்கள் செகந்திராபாத்துக்கு சென்று வீடு வாடகைக்கு எடுத்து வசித்து வந்துள்ளனர்.

இந்நிலையில், ஸ்வேதாவுக்கு திடீரென உடல்நலக்குறைவு ஏற்பட்டுள்ளது. ஸ்வேதாவை கவனிக்க ஆள் இல்லாத காரணத்தால் அவரை தனது சொந்த கிராமத்திற்கு கூட்டி செல்ல முடிவு செய்தார் பிரவீன். அதன்படி, கிராமத்தில் உள்ள தனது பெற்றோர் வீட்டிற்கு ஸ்வேதாவை அழைத்துச் சென்று சிகிச்சை அளித்து வந்தார் பிரவீன். இவர்கள் இருவரும் கிராமத்தில் தான் இருக்கிறார்கள் என்ற தகவல் தெரியவந்ததும் கடும் ஆத்திரம் அடைந்த ஸ்வேதாவின் குடும்பத்தினர் ஒரு கும்பலாக பிரவீனின் வீட்டிற்குச் சென்றுள்ளனர்.

ஸ்வேதாவின் உறவினர்கள் சுமார் 6 பேர் கார் ஒன்றில் பிரவீன் வீட்டுக்குச் சென்று அதிரடியாக வீட்டிற்கு புகுந்து கடும் தாக்குதலில் ஈடுபட்டுள்ளனர். பின்னர் ஸ்வேதாவின் கை, கால்களை கயிற்றால் கட்டிப் போட்டு கதறகதற வீட்டிலிருந்து வெளியே தரதரவென இழுத்து சென்று காரில் கடத்திச் சென்றனர். அப்போது அவர்களை தடுக்க முயன்ற பிரவீன் குடும்பத்தாரை காட்டைகளால் பயங்கரமாக தாக்கியதுடன், அவர்களது கண்களில் மிளகாய்ப் பொடியைத் தூவி அலற விட்டுள்ளனர்.

இதையடுத்து பாதிக்கப்பட்ட பிரவீன் குடும்பத்தினர் நரசம்பள்ளி காவல்நிலையத்திற்கு சென்று புகார் அளித்தனர். வழக்கு பதிவு செய்த போலீசார் ஸ்வேதாவை கடத்திச் சென்றவர்களை தீவிரமாக தேடி வருகின்றனர். காதல் திருமணம் செய்து கொண்ட தங்கள் வீட்டு பெண்ணை, உறவினர்கள் காரில் கடத்திச் சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.