அண்ணியின் கற்பை சோதிக்க மைத்துனி செய்த பகீர் செயல்.. நெஞ்சை பதறவைக்கும் சம்பவம்! | இந்தியா

மனைவியின் நடத்தை மீது சந்தேகம் என்றால் நீதிமன்றத்திற்கு போகலாம், அல்லது மருத்துவமனைக்கு போகலாம். அது என்ன கொதிக்கும் எண்ணெய்யில் கைவிடச் செல்லும் பழக்கம் என்பது புரியாத புதிராகவே உள்ளது. கொதிக்கும் எண்ணெய்க்குள் கையை விட்டு கை வெந்து போனால் அவள் கற்பிழந்தவள். கை வேகவில்லை என்றால் அவள் கற்புள்ளவள். இப்படி ஒரு நூதன சிந்தனை பாதிக்கப்பட்ட பெண்ணின் மைத்துனிக்குத் தான் தோன்றியுள்ளது.

குஜராத் மாநிலம் விஜப்பூர் பகுதியில் உள்ள கெரிடா என்ற கிராமத்தில் கணவன் மற்றும் 2 குழந்தைகளுடன் பாதிக்கப்பட்ட 28 வயதான அந்த பெண் வசித்து வந்துள்ளார். கணவனை விட கணவனின் சகோதரிக்குத் தான் பெண்ணின் மீது சந்தேகம் தலைவிரித்தாடியுள்ளது. அண்ணனின் மனைவி மீது சரமாரியாக குற்றச்சாட்டுகளை சுமத்திய மைத்துனி, அவரது கற்பை பரிசோதிக்க அந்த காவியத் திட்டத்தை அரங்கேற்றியுள்ளார்.

கொதிக்கும் எண்ணெய்யில் கையை விட்டு உன் கற்பை நிரூபி எனக் கூறவும் மிரண்டு போனார் அந்த பெண். உலகம் முழுவதும் யார் கொதிக்கும் எண்ணெய்யில் கையை விட்டாலும் கை வெந்து தான் போகும். அதற்கும் கற்புக்கு என்ன சம்பந்தம் என்பது புரியாமல் தவித்திருக்கிறார் அந்த பெண். தன் கருத்தில் பிடிவாதமாக இருந்த மைத்துனி மேலும் இருவருடன் சேர்ந்து, அடுப்பை நோக்கி இழுத்துச் சென்று அந்த பெண்ணின் கைகளை கொதிக்கும் எண்ணெய்க்குள் கட்டாயப்படுத்தி அழுத்தியிருக்கிறார்கள்.