அரசு மருத்துவமனையில் போலீஸ்காரர்கள் அராஜகம்.. டாக்டரை வலுக்கட்டாயமாக இழுத்து சென்றதால் பரபரப்பு! | இந்தியா

இதனைத்தொடர்ந்து போலீஸ் சூப்பிரண்டண்ட் பிரிஜேஷ் குமாரின் தாயாருக்கு உடல் நிலை சரியில்லை என்றும், அவருக்கு உடனடியாக சிகிச்சை அளிக்க வேண்டும் என்பதால் தங்களுடன் உடனடியாக வருமாறு மருத்துவரை அழைத்தனர். ஆனால் அப்போது பல நோயாளிகள் அவசர சிகிச்சை பிரிவில் இருந்ததால் அங்கிருந்து உடனடியாக வர முடியாது என்று மருத்துவர் ராகுல் பாபு மறுப்பு தெரிவித்திருக்கிறார்.

மேலும் அங்கு பணியிலிருந்த வேறு ஒரு மருத்துவரை அனுப்பி வைப்பதாகத் தெரிவித்துள்ளார். இதனால் கோபமடைந்த போலீஸ் அதிகாரிகள் டாக்டர் ராகுலிடம் கடுமையாகப் பேசி அவரைக் கட்டாயப்படுத்தி அங்கிருந்து கடத்திச்செல்வது போன்று போலீஸ் சூப்பிரரெண்ட் வீட்டிற்கு அழைத்துச்சென்றனர். மேலும் மருத்துவரின் செல்போனையும் போலீசார் பறித்து கொண்டனர்.

மருத்துவர் ராகுல் பாபுவை கட்டாயப்படுத்தி இழுத்துச் சென்றதால் அவசர சிகிச்சை பிரிவில் சுமார் இரண்டரை மணி நேரம் நோயாளிகளுக்கு சிகிச்சை அளிக்க முடியாத நிலை ஏற்பட்டது. இதுகுறித்து டாக்டர் ராகுல் உயர் அதிகாரிகளிடம் புகார் அளித்துள்ளார். அதோடு மருத்துவமனை மருத்துவர்கள் மற்றும் ஊழியர்கள் சம்பந்தப்பட்ட போலீஸ் அதிகாரிகள் மீது நடவடிக்கை எடுக்க வேண்டும் என்று கோரி புறநோயாளிகள் பிரிவை மூடி போராட்டத்தில் ஈடுபட்டனர்.

இதனால் சிகிச்சைக்காக வந்த நோயாளிகள் அவதி அடைந்தனர்.

மேலும் போலீசாரின் நடவடிக்கைகள் தனக்கு அதிருப்தியை ஏற்படுத்தியிருப்பதாகவும் தெரிவித்தார். அதே நேரம் அரசு மருத்துவர்கள் காவல்துறையினரின் செயலை மன்னிக்க முடியாது என்றும் இதில் தொடர்புடைய போலீசார் தண்டிக்கப்பட வேண்டும் என்றும் வலியுறுத்தினர். மருத்துவர்களின் பலத்த எதிர்ப்பையடுத்து, அனிருத் சாகு மற்றும் ஹிதேஷ் வர்மா என்ற இரண்டு தலைமை காவலர்கள் பணியிடை நீக்கம் செய்யப்பட்டுள்ளனர். இச்சம்பவம் உத்தரபிரதேசத்தில் பரபரப்பை ஏற்படுத்தியுள்ளது.