ஆனால், அ.தி.மு.கவில் இருந்து நீக்கப்பட்ட செங்கோட்டையன், எடப்பாடி பழனிசாமியை சந்திக்காமல் டெல்லி சென்று அமித்ஷாவை சந்தித்திருக்கிறார். அ.தி.மு.கவின் பொதுச் செயலாளராக எடப்பாடி பழனிசாமியும், அதன் தேசிய தலைவராக அமித்ஷாவும் செயல்படுகிறார்கள் எனத் தெரிகிறது. தி.மு.கவை வீழ்த்துவதே பா.ஜ.கவின் இலக்கு என்ற நோக்கத்துடன் பா.ஜ.கவின் ஓட்டுக்குழுக்களாக விஜய், சீமான் கட்சிகள் செயல்படுகின்றன.
சீமான் திராவிட எதிர்ப்பினை முன்னிறுத்துகிறாரா அல்லது தி.மு.க எதிர்ப்பினை முன்னிறுத்துகிறாரா எனத் தெரியவில்லை. விஜய்யும் அதே வெறுப்பைத்தான் கட்டமைக்கிறாரா எனத் தெரியவில்லை. 2026 தேர்தலில் தி.மு.க தலைமையிலான மதச்சார்பற்ற கூட்டணி வெற்றி பெறும் என்பதில் சந்தேகமில்லை. முந்தைய சட்டமன்றத் தேர்தலில் வி.சி.க 6 இடங்களில் போட்டியிட்டது. இந்த தேர்தலில் 10 இடங்களிலாவது போட்டியிட வேண்டும் என என்னைப் போன்றோர் விரும்புகிறார்கள்” என்றார்.
