அருணாச்சல பிரதேசத்தில் நிலச்சரிவு… வாகனங்கள் மீது விழும் பாறைகள்…!  | இந்தியா

வட மாநிலங்களில் தொடர் மழை காரணமாக நிலச்சரிவு ஏற்பட்டது. இந்த நிலச்சரிவில், பல கட்டடங்கள் தரைமட்டமாகின. இதற்கிடையில் அருணாச்சலப் பிரதேசத்தின் டிராங் மற்றும் தவாங்யில் உள்ள பத்மா ஹோட்டல் அருகே ஏற்பட்ட நிலச்சரிவால் சுமார் 120 மீட்டர் தூரம் போக்குவரத்து தடைபட்டதை அடுத்து வாகன போக்குவரத்து முற்றிலுமாக நிறுத்தப்பட்டது. மலையிலிருந்து பாறைகள் விழுவதைக் கவனித்த சிலர் தங்கள் கார்களில் இருந்து கீழே இறங்கி, மேலே இருந்து கீழே விழுவதைக் கண்டனர்.

மேலும் இந்த வீடியோவில், வாகனங்கள் நகராமல் இருப்பதால் மக்கள் ஹாரன் அடித்துக் கொண்டிருந்தனர். தங்கள் கார்களை வேகமாக ரிவர்ஸ் எடுக்க முயற்சித்துக் கொண்டிருந்தனர். பாறைகள் தொடர்ந்து விழுந்து கொண்டிருந்தன, இதனால் சிலர் தங்கள் வாகனங்களில் இருந்து இறங்கி ஓடினர். இது குறித்த வீடியோ தற்போது சமூக வலைதளத்தில் வைரலாகி வருகிறது. இந்த சம்பவத்தால் குறைந்தபட்சம், இரண்டு வாகனங்கள் சேதமடைந்ததாக கூறப்படுகிறது. இருப்பினும், இந்த விபத்தில் உயிரிழப்புகள் ஏதும் ஏற்படவில்லை என்று தகவல் வெளியாகியுள்ளது.