தமிழக அரசியலில் புதிய கட்சியாக கடந்த ஆண்டு பிப்ரவரி 2-ம் தேதி நடிகர் விஜய்யால் தொடங்கப்பட்ட தமிழக வெற்றிக் கழகத்தின் முதல் மாநில மாநாடு கொள்கை விளக்க மாநாடாக 2024 அக்டோபர் 27-ம் தேதி மாபெரும் அளவில் நடத்தப்பட்டது.
இந்த நிலையில், மதுரை பாரபத்தியில் தமிழக வெற்றிக் கழகத்தின் இரண்டாவது மாநில மாநாடு இன்று மாலை 3 மணியளவில் தொடங்கியது.
அதைத்தொடர்ந்து மாநாட்டில் உரையாற்றிய விஜய், “1967, 1977-ல் தமிழக அரசியலில் நடந்த மிகப்பெரிய மாற்றத்தை போலவே 2026-ல் ஒரு வரலாறு திரும்பப் போகிறது என்று உறுதியாகச் சொல்வதற்கான மாநாடுதான் இந்த இரண்டாவது மாநில மாநாடு.
இந்தக் குரல் ஒற்றை தமிழ் மகனின் குரல் மட்டுமல்ல, ஒட்டுமொத்த தமிழ்நாட்டு மக்களின் குரல். நாம் அரசியலுக்கு வருவதற்கு முன்னாள், `அட இவரெல்லாம் வரமாட்டார், அவரே வரல இவரா வரப் போகிறார்’ என்று நிறையப் பேர் ஜோதிடம் சொன்னார்கள்.
அப்புறம் கட்சியின் பெயர் அறிவித்த பிறகு `பெயர் தானே அறிவித்திருக்கிறார். மக்களிடம் பெயர் வாங்க வேண்டுமே அதெல்லாம் முடியாது’ என்றார்கள்.
