எலக்ட்ரிக் ஷாக் கொடுத்து ராக்கிங்.. பள்ளி மாணவருக்கு நடந்த கொடூரம் – அதிர்ச்சி வீடியோ | இந்தியா

ஆந்திர மாநிலம் பல்நாடு மாவட்டத்தில் உள்ள தாசேபள்ளி அரசு மேல்நிலைப் பள்ளியில் பயிலும் பிளஸ் 1 மாணவரை விடுதியில் வைத்து பிளஸ் டூ மாணவர்கள் 5 பேர் தாக்கியுள்ளனர். மேலும், மின்சாரத்தை பாய்ச்சியும் கொடுமைப் படுத்தியுள்ளனர். இந்த வீடியோ சோசியல் மீடியாவில் வெளியாகி பெரும் அதிர்ச்சியை ஏற்படுத்தி உள்ளது.

இந்த சம்பவம் குறித்து தாக்குதலுக்கு உள்ளான மாணவரின் பெற்றோர் தாசேபள்ளி காவல் நிலையத்தில் புகார் அளித்ததை அடுத்து போலீசார் வழக்குப்பதிவு செய்து விசாரணை நடத்தி வருகின்றனர். இந்நிலையில் தாக்குதல் நடத்திய 5 பேரில் ஒருவர் மாணவர் இல்லை என்றும் அவர் வெளியே இருந்து வந்து தாக்குதலில் ஈடுபட்டதாகவும் தகவல்கள் வெளியாகியுள்ளன.