Last Updated:
ஆபரேஷன் சிந்தூர் தாக்குதலில் 100க்கும் மேற்பட்ட பயங்கரவாதிகள் கொல்லப்பட்டதாக ராஜ்நாத் சிங் கூறினார். நோக்கம் நிறைவேறியதால் சண்டையை நிறுத்தினோம், புற அழுத்தம் காரணமாக அல்ல என விளக்கமளித்தார்.
ஆபரேஷன் சிந்தூர் தாக்குதலில் நூற்றுக்கும் மேற்பட்ட பயங்கரவாதிகள் கொல்லப்பட்டதாக தெரிவித்துள்ள மத்திய பாதுகாப்புத் துறை அமைச்சர் ராஜ்நாத் சிங், நோக்கம் நிறைவேறியதால்தான் சண்டையை நிறுத்தினோமே தவிர புற அழுத்தம் காரணமாக அல்ல எனவும் விளக்கமளித்துள்ளார்.
ஆபரேஷன் சிந்தூர் தொடர்பாக நாடாளுமன்றத்தில் விவாதம் நடத்த எதிர்க்கட்சிகள் தொடர்ந்து வலியுறுத்தி வந்த நிலையில் மத்திய பாதுகாப்புத் துறை அமைச்சர் ராஜ்நாத் சிங் விளக்கமளித்தார். அப்போது, மதத்தின் பெயரால் பாகிஸ்தான் ஆதரவு பயங்கரவாதிகள் இந்திய மக்களை கொன்றதாகவும், அதன் பதிலடியாக நடந்த தாக்குதலில் நூற்றுக்கும் மேற்பட்ட பயங்கரவாதிகள் கொல்லப்பட்டு 9 தீவிரவாத முகாம்கள் அழிக்கப்பட்டதாக தெரிவித்தார்.
காத்துக் கொள்ளவே தாக்குதல் நடத்தினோமே தவிர அத்துமீறவில்லை என தெரிவித்துள்ள அவர், வரலாற்று சிறப்பு மிக்க தாக்குதல்களை மே 6, 7 ஆகிய தேதிகளில் நடத்தியதாகக் குறிப்பிட்டார். பாகிஸ்தானால் இந்தியாவில் ஓரிடத்தைக் கூட தாக்க முடியவில்லை என தெரிவித்த ராஜ்நாத் சிங், ஆபரேஷன் சிந்தூரில் இந்தியாவுக்கு எந்த பாதிப்பும் ஏற்படவில்லை என்றார்.
Delhi,Delhi,Delhi
July 28, 2025 4:28 PM IST
ஆபரேஷன் சிந்தூர் தாக்குதலை நிறுத்தியது ஏன்? – பாதுகாப்புத் துறை அமைச்சர் ராஜ்நாத் சிங் விளக்கம்
