இந்தியாவில் கைது செய்யப்பட்ட வங்கதேச மாடல் அழகி.. விசாரணையில் வெளியான அதிர்ச்சி தகவல்! | இந்தியா

இதில், வங்கதேசத்தை சேர்ந்த பிரபல மாடலும், விமான நிறுவனத்தில் பணியாற்றி வரும் சாந்தா பால் என்பவரும் சிக்கியுள்ளார். இவர், கடந்த 2016 ஆண்டு நடைபெற்ற இந்தோ – பங்களா அழகிப் போட்டியில் மகுடம் சூடியுள்ளார். மாடலிங் உலகில் தடம் பதித்த இவர், 2023 ஆம் ஆண்டுவாக்கில் உரிய பாஸ்போர்ட் உடன் இந்தியாவுக்கு வந்துள்ளார். கொல்கத்தாவில் தங்கிய இவர், விமான நிறுனம் ஒன்றில் பணியாற்றியுள்ளார்.

அப்போது, தனக்கு திருமணமாகி கணவரை பிரிந்து வாழ்வதாக கூறி வாடகை வீடு எடுத்துள்ளார். அதற்காக ஆதார் அட்டை, பான் கார்டு மற்றும் வாக்காளர் அட்டை ஆகியவற்றை கொடுத்துள்ளார். அந்த ஆவணங்களின் படி, அவர் 1998 ஆம் ஆண்டு பிறந்ததாக குறிப்பிடப்பட்டுள்ளது. கடந்த ஜூன் 5 ஆம் தேதி ஆந்திராவை சேர்ந்த முகமது அஷ்ரஃப் என்பவரை திருமணம் செய்துள்ளதாகவும் கூறியுள்ளார்.

இந்நிலையில், போலி ஆவணங்களை தயார் செய்து, அவற்றை பயன்படுத்தி சட்டவிரோதமாக கொல்கத்தாவில் தங்கியிருந்த வங்கதே மாடல் சாந்தா பால்-ஐ போலீசார் கைது செய்தனர். அவரை, வருகின்ற 8 ஆம் தேதி வரை நீதிமன்ற காவலில் வைக்க நீதிமன்றம் உத்தரவிட்டதும், சிறையில் அடைக்கப்பட்டுள்ளார். அவர் வேறு ஏதும் மோசடியில் ஈடுபட்டுள்ளாரா என்ற கோணத்திலும் தொடர்ந்து விசாரணையை தீவிரப்படுத்தியுள்ளனர்.