அதற்கு தனிச் சட்டமும், கடும் நடவடிக்கைகளும் வேண்டும். இளம் தலைமுறையினரிடத்தில் விழிப்புணர்வை ஏற்படுத்த வேண்டும்.
சாதி, மதத்துக்குள் பெருமை வைக்கப்படுவதுதான் இங்கு பிரச்னை.
பள்ளி சிறுவனை சாதிய வன்மத்தோடு வெட்டுகிறான் என்றால் அந்த பிஞ்சு நெஞ்சில் சாதி வன்ம நஞ்சு எப்படி வந்தது?
சாதி குளம், கிணறு, சுடுகாடு என அமைப்பே தவறாக இருப்பதுதான் பிரச்னை.
செத்தாலும் தமிழனுக்கு சாதி போகாது என்றால் இந்தச் சமூகத்தை ஒன்றும் செய்ய முடியாது.
தமிழ்நாட்டில் திருநெல்வேலியில்தான் இந்த மோதல் அதிகமாக நடக்கிறது.
இங்கு சாதி கொலை செய்தது, திருப்புவனத்தில் சட்டம் கொலைசெய்தது.
இரண்டு சாதி வாக்குகளும் வேண்டும் என்று அரசு துடிக்கிறது. இது நாடா சுடுகாடா என்றே தெரியவில்லை. சட்டம் ஒழுங்கு எங்கு இருக்கிறது?
சாதிய ஏற்றத் தாழ்வுகள் அற்ற, தீண்டாமை கொடுமை அற்ற சமதர்ம சமூகம் என்று கூறி தி.மு.க ஆட்சியதிகாரத்துக்கு வந்து 60 ஆண்டுகள் ஆகிவிட்டது இன்னமும் சாதியால் கொலைகள் நடக்கிறது” என்று கூறினார்.
