இந்த நிலையில் ஸ்டாலினுடனான சந்திப்பு குறித்து செய்தியளர்களிடம் பேசியிருக்கும் ஓ.பன்னீர்செல்வம், “அவரின் உடல்நலம் குறித்து விசாரிப்பதற்காகத்தான் மரியாதை நிமித்தமாக அவரை இன்று சந்தித்தேன்.
மேலும், கலைஞரின் மூத்தமகன் மு.க.முத்துவின் மறைவு குறித்தும் துக்கம் விசாரித்தேன். அரசியல் நிமித்தமாக எந்தவித பேச்சுவார்த்தையும் நடத்தவில்லை. அரசியலில் நண்பர்களும் இல்லை, எதிரிகளும் இல்லை என்பதுதான் கடந்த கால வரலாறு. எதிர்காலத்தில் தேர்தல் நெருங்குகின்ற போது எதுவும் நடக்கலாம்.” என்று கூறினார்.
மேலும், பா.ஜ.க கூட்டணியிலிருந்து விலகிய பிறகு பாஜக தலைவர்கள் தங்களிடம் பேச முற்பட்டார்களா என்று எழுப்பப்பட்ட கேள்விக்கு, “இதுவரை யாரும் இல்லை” என்று பதிலளித்த ஓ.பன்னீர்செல்வத்திடம், தங்களின் மதிப்பு புரியாமல் அவமானப்படுத்தியதாக இதை பார்க்கிறீர்களா என்ற கேள்வியும் பத்திரிகையாளர் தரப்பில் முன்வைக்கப்பட்டது.
