இன்ஸ்டாகிராமில் அரைகுறை ஆடை, ஆபாச வார்த்தைகளுடன் ரீல்ஸ்.. சகோதரிகள் உட்பட 4 பேர் அதிரடி கைது!

இதற்காக, நவீன ஆடை என்ற பெயரில், அரைகுறை ஆடையுடன் அலப்பறையை கூட்டியுள்ளனர். அந்த வீடியோக்களை இன்ஸ்டாவில் பதிவிட்டு, பார்வையாளர் பலரையும் கிரங்கடித்துள்ளனர். அத்துடன், ஆபாச வார்த்தைகளையும் அள்ளித் தெளித்து பலரின் காதுகளை கூச வைத்துள்ளனர். மூன்று பெண்களும் இன்ஸ்டாகிராமில் போட்ட ஓவர் ஆட்டம், உள்ளூர் மக்களை கொதிப்படையைச் செய்துள்ளது.

பொறுத்து பொறுத்துப் பார்த்த ஊர் மக்கள், இந்த விவகாரத்தை போலீசாரின் கவனத்துக்கு கொண்டு சென்றுள்ளனர். பின்னர், போலீசார் சம்பந்தப்பட்டவர்களின் விவரங்களை திரட்டியுள்ளனர். அதில், இன்ஸ்டாகிராமில் அடாவடி வீடியோக்களை பதிவிட்டது மெஹ்ருல் நிஷா, மெஹக் மற்றும் ஹீனா என்பது தெரியவந்தது. அவர்களை பிடித்து விசாரணை மேற்கொண்டதில், ஜரார் ஆலம் என்பவரின் மூலம் வீடியோக்களை இன்ஸ்டாவில் பதிவிட்டது உறுதியானது.

இதன் மூலம் மூன்று பெண்களும் மாதத்திற்கு 25 ஆயிரம் முதல் 30 ஆயிரம் ரூபாய் வரை சம்பாதித்துள்ளனர். இதனைத்தொடர்ந்து வழக்குப்பதிவு செய்த போலீசார், சகோதரிகள் மற்றும் அவர்களுக்கு உதவிய ஆண் நண்பர் உட்பட 4 பேரையும் கைது செய்தனர்.  அவர்கள் மீது, ஆபாசமான செயல்களில் ஈடுபடுவது, ஆபாச பாடல்களை பாடுவது மற்றும் தகவல் தொழில்நுட்பத்தை தவறாக பயன்படுத்தியது உள்ளிட்ட பிரிவுகளில் வழக்கு பதிந்து சிறையில் அடைத்துள்ளனர்.