பூமி திரும்புவதற்கு முன்பு விண்வெளி நிலையத்தில் விருந்து கொண்டாட்டத்தில் பங்கேற்ற சுபன்ஷு சுக்லா… வைரல் புகைப்படங்கள்…

“நாங்கள் நிலையத் திட்டத்துடன் இணைந்து பணியாற்றி வருகிறோம், ஆக்ஸியம்-4 முன்னேற்றத்தை கவனமாகக் கண்காணித்து வருகிறோம்” என்று நாசா ஜூலை 10ஆம் தேதி மாலை அறிவித்துள்ளது. மேலும் சுக்லா மற்றும் அவரோடு சேர்ந்த மூன்று குழுவினரும் பூமிக்கு திரும்பும் பயணம் ஜூலை 14ஆம் தேதி தொடங்கும் என்று நாசா நேற்று மாலை அறிவித்தது.

“இந்த மிஷனை அண்டாக் (விண்வெளியிலிருந்து பிரிவது) செய்ய வேண்டிய நேரம் இது என்று நினைக்கிறேன். மேலும் இப்போதைக்கு இதை ஜூலை 14ஆம் தேதியன்று இலக்கு நிர்ணயித்துள்ளோம்” என்று நாசா வணிகக் குழு திட்டத்தின் மேலாளர் ஸ்டீவ் ஸ்டிட்ச் செய்தியாளர் கூட்டத்தில் தெரிவித்தார். விண்வெளியிலிருந்து பிரிந்து வந்த பல மணி நேரத்திற்குப் பிறகு, பசிபிக் பெருங்கடலில் கலிபோர்னியா கடற்கரைக்கு அருகில் ஸ்பிளாஷ் டவுன் (தரையிறக்கம்) எதிர்பார்க்கப்படுகிறது.

இதற்கிடையில் தனது ஆராய்ச்சியின் ஒரு பகுதியாக பாசிப்பயறு, வெந்தயம் உள்ளிட்ட தானிய விதைகளை விண்வெளி நிலையத்தில் பயிரிட்டு, இந்த தாவரங்களின் வளர்ச்சியில் நுண் ஈர்ப்பு விசை எவ்வாறு பாதிக்கிறது போன்ற ஆய்வை கேப்டன் சுக்லா மேற்கொண்டார். பூமிக்கு திரும்பியதும், இங்குள்ள நிலங்களில் இந்த விதைகள் பயிரிடப்பட்டு அதன் அமைப்புகள், ஊட்டச்சத்துப் பண்புகள் போன்றவற்றில் ஏற்படும் மாற்றங்கள் ஆராயப்படும் என்றும் தெரிவிக்கப்பட்டுள்ளது. இதன் புகைப்படங்கள் இணையத்தில் பகிரப்பட்டு வைரலானது குறிப்பிடத்தக்கது.

இந்தியாவின் ககன்யான் மனித விண்வெளிப் பயணத்திற்கு ஆக்ஸியம் 4 அல்லது மிஷன் ‘ஆகாஷ் கங்கா’ வழி வகுக்கும் நிலையில், குரூப் கேப்டன் சுக்லா ஏழு இந்தியா சார்ந்த சோதனைகளை விண்வெளி நிலையத்தில் மேற்கொண்டார்.