பெட்ரோல் டேங்க் மீது படுத்து கொண்டே லூட்டி.. ஓடும் பைக்கில் காதல் ஜோடி அட்டூழியம் – வைரலாகும் வீடியோ

உத்தரபிரதேசம் மாநிலம் பிரோசாபாத்தில் உள்ள சாலை ஒன்றில் இரவு நேரத்தில் இளம்பெண் ஒருவர் தனது காதலனுடன் ஆபத்தான முறையில் பைக் ரைடு சென்றுள்ளார். பைக் பெட்ரோல் டேங்க் மீது கட்டிலில் படுப்பது போல ஒய்யாரமாக படுத்தப்படி, காதலனின் முகத்தை ரசித்து கொண்டே ரெக்கையில்லாமல் பறந்துள்ளார். இப்படி சாகச காதலில் மூழ்கி, சாவகாசமாக பயணித்த ஜோடியை வாகன ஓட்டி ஒருவர் கண்டித்துள்ளார்.

கீழே விழுந்தா என்ன ஆகும்? என கேட்டதற்கு, கொதித்தெழுந்த ஜோடி, அதை கேட்க நீ யார்? என தெனாவட்டாக பேசியுள்ளனர். லேசாக சறுக்கினால்கூட, சம்பவமாகிவிடும் என்பதை மறந்து சாகச காதலில் ஈடுபட்ட வீடியோ தீயாய் பரவ வாகன ஓட்டிகளுக்கு இடஞ்சல் ஏற்படுத்திய இவர்கள் மீது உரிய நடவடிக்கை எடுக்க வேண்டும் என நெட்டீசன்கள் கருத்து தெரிவித்து வருகின்றனர்.