வங்கதேசத்துக்கு எதிரான இரண்டாவது டெஸ்ட் போட்டியில் இலங்கை அணி 43 ரன்கள் முன்னிலை பெற்று வலுவான நிலையில் உள்ளது.
இலங்கை மற்றும் வங்கதேசம் இடையேயான இரண்டாவது டெஸ்ட் போட்டி கொழும்புவில் நேற்று (ஜூன் 25) தொடங்கியது. இந்தப் போட்டியில் டாஸ் வென்று முதல் இன்னிங்ஸில் விளையாடிய வங்கதேச அணி 247 ரன்கள் எடுத்து ஆட்டமிழந்தது. அந்த அணியில் ஷாத்மன் இஸ்லாம் அதிகபட்சமாக 46 ரன்கள் எடுத்தார். அவரைத் தொடர்ந்து, முஸ்ஃபிகர் ரஹீம் 35 ரன்களும், லிட்டன் தாஸ் 34 ரன்களும் எடுத்தனர்.
இலங்கை தரப்பில் அஷிதா ஃபெர்னாண்டோ மற்றும் சோனல் தினுஷா தலா 3 விக்கெட்டுகளைக் கைப்பற்றினர். விஸ்வா ஃபெர்னாண்டோ 2 விக்கெட்டுகளையும், தரிண்டு ரத்னாயகே மற்றும் தனஞ்ஜெயா டி சில்வா தலா ஒரு விக்கெட்டினையும் கைப்பற்றினர்.
