கடைக்கு சென்ற இளம் பெண்ணுக்கு நடுரோட்டில் நடந்த கொடூரம்.. போதை இளைஞர்கள் வெறிச்செயல்

பெங்களூருவில் இருந்து 12 கிலோ மீட்டர் தொலைவில் உள்ள மைலசந்திரா என்ற இடத்தில் மாலை மளிகைப்பொருட்கள் வாங்கச் சென்ற பெண்ணை இளைஞர்கள் கும்பல் தடுத்து நிறுத்தி தொட்டு பேச முயன்றதாக கூறப்படுகிறது. அந்த இளைஞர்கள் கஞ்சா போதையில் இருந்ததாக கூறப்படுகிறது. அவர்களிடம் இருந்து தப்பிக்க முயன்ற அந்த பெண்ணை அந்த இளைஞர்கள் கடுமையாக தாக்கியது அங்கிருந்த சிசிடிவி காட்சிகளில் பதிவானது.

இதையடுத்து பாதிப்புக்குள்ளான அந்த பெண் உடனே செல்போன் மூலம் தனது நண்பருக்கு அந்த பெண் தகவல் கொடுத்தார். இதையடுத்து அங்கு வந்த நண்பர், அத்துமீறலில் ஈடுபட்ட இளைஞர்களை தாக்கி அப்பகுதி மக்கள் உதவியுடன், பாதிக்கப்பட்ட பெண்ணை மீட்டார். இது குறித்து இருதரப்பிலும் காவல்நிலையத்தில் புகார் அளித்த நிலையில் விசாரணை நடந்து வருகிறது.

இந்த சம்பவம் தொடர்பாக போலீசார் நடத்திய விசாரணையில் பெண் மீது தாக்குதல் நடத்தியவர்கள் மீது 3 பிரிவுகளின் மீது வழக்குப்பதிவு செய்துள்ளனர். மேலும் பாதிக்கப்பட்ட பெண்ணின் நண்பர் தற்போது மருத்துவமனையில் சிகிச்சை பெற்று வருகிறார். ஜிம் பயிற்சியாளராக இவர் இருந்து வருகிறார் என தெரியவந்துள்ளது. சிகிச்சைக்கு பின்னர் இவரிடம் சம்பவம் தொடர்பாக காவல்துறையினர் விசாரணை நடத்த உள்ளனர். நடுரோட்டில் ஆள்நாடமாட்டம் அதிகம் உள்ள பகுதியில் பெண் மீது அத்துமீறி போதை இளைஞர்கள் தாக்குதல் நடத்திய சம்பவம் அந்த பகுதியில்  பரபரப்பை ஏற்படுத்தி உள்ளது.