ராகுல் காந்தியின் இந்தக் குற்றச்சாட்டுக்குப் பதிலளித்திருக்கும் இந்தியத் தேர்தல் ஆணையம், “இந்தக் குற்றச்சாட்டுகள் அபத்தமானது. அடிப்படை ஆதாரமற்றது. தேர்தல்களின்போது அயராது பணியாற்றும் லட்சக்கணக்கான தேர்தல் ஊழியர்களை அவமதிக்கும் செயல் இது. சட்டத்தின் ஆட்சிக்கும் இது பெரும் அவமானம் சேர்க்கும்.
வாக்காளர் பட்டியல் தயாரித்தல், வாக்குப்பதிவு, வாக்கு எண்ணுதல் உள்ளிட்ட ஒவ்வொரு தேர்தல் செயல்முறையும் அரசு ஊழியர்களால் நடத்தப்படுகிறது. அதுவும் வேட்பாளர்களால் நியமிக்கப்பட்ட அங்கீகரிக்கப்பட்ட பிரதிநிதிகள் முன்னிலையில் நடைபெறுவது நாட்டுகே தெரிந்த வெளிப்படையான உண்மை.
வாக்காளர்கள் தங்களுக்குச் சாதகமாக வாக்களிக்காத தேர்தல்களுக்குப் பின்னர், தேர்தல் ஆணையம் சமரசம் செய்துகொண்டுள்ளதாகக் கூறி அவதூறு பரப்ப முயற்சிப்பது முற்றிலும் அபத்தமானது” என்று ராகுல் காந்தியின் குற்றச்சாட்டிற்குப் பதிலளித்திருக்கிறது தேர்தல் ஆணையம்.
