வரும் ஜூன் 19-ம் தேதி ராஜ்ய சபா தேர்தல் நடக்க உள்ளது. இந்தத் தேர்தலில் திமுக கூட்டணி சார்பில் மக்கள் நீதி மய்யத்தின் தலைவர் கமல்ஹாசன் எம்.பி பதவிக்கு போட்டியிட உள்ளார்.
இதை தொடர்ந்து, அவர் நேற்று தன்னுடைய வேட்பு மனுவை தாக்கல் செய்தார். அதில் அவர் குறிப்பிட்டுள்ள விவரங்கள் இதோ…
சென்னை புரசைவாக்கம் சர் எம் சிடி. முத்தையா செட்டியார் பள்ளியில் எட்டாம் வகுப்பு வரை படித்திருக்கிறார். அவரது தொழிலை நடிப்பு என குறிப்பிட்டுள்ளார்.
2023 – 24 நிதியாண்டில், ரூ.78.90 கோடி வருமானம்;
அசையும் சொத்துகளின் மதிப்பு ரூ.59.69 கோடி;
அசையா சொத்துகளின் மதிப்பு ரூ.245.86 கோடி;
ஆக, அவரது மொத்த சொத்தின் மதிப்பு ரூ.305.55 கோடி.
ரூ.49.67 கோடி கடன் உள்ளது.
சென்னை ஆழ்வார்பேட்டையில் இரண்டு, உத்தண்டி மற்றும் சோழிங்கநல்லூரில் தலா ஒன்று என்று நான்கு வணிகக் கட்டடடங்கள் உள்ளன எனக் குறிப்பிட்டுள்ளார். இதன் மொத்த மதிப்பு ரூ.111.1 கோடி.
திண்டுக்கல் வில்பட்டியில் உள்ள விவசாய நிலத்தின் மதிப்பு ரூ.22.24 கோடி.
கையில் ரொக்கமாக ரூ.2.60 லட்சம் உள்ளது எனக் குறிப்பிடப்பட்டுள்ளது.
