காஷ்மீரில் கடந்த 57 ஆண்டுகளில் வரலாறு காணாத வெப்பம்… எவ்வளவு தெரியுமா..?

இது தொடர்பான அறிவிப்பில் வானிலை மையம் குறிப்பிட்டுள்ளதாவது ஸ்ரீநகரில் 34.4 டிகிரி செல்சியஸ் என்ற அதிகபட்ச வெப்பநிலை பதிவாகியுள்ளதாக வானிலை அலுவலகம் தெரிவித்துள்ளது – இது கடந்த 57 ஆண்டுகளில் மே மாதத்தில் பதிவான அதிகபட்ச வெப்பநிலையாகும். அதிகாரிகளின் கூற்றுப்படி, மே மாதத்தில் இதுவரை இல்லாத அளவுக்கு அதிகபட்சமாக கடந்த 1968-ஆம் ஆண்டு மே 24 அன்று 36.4 டிகிரி செல்சியஸ் பதிவாகியுள்ளது. அதன் பிறகு தற்போது தான் இந்த அளவிற்கு அதிகபட்ச வெப்பநிலை பதிவாகி உள்ளது.

அதே நேரம் நடப்பாண்டின் மே மாதத்தில் இதுவரை பதிவான மூன்றாவது அதிகபட்ச பகல்நேர வெப்பநிலை இதுவாகும் என்றும், முன்னதாக கடந்த 1956-ஆம் ஆண்டு மே 31-ஆம் தேதியன்று அன்று ஸ்ரீநகர் நகரத்தில் 35 டிகிரி செல்சியஸ் பதிவாகியுள்ளதாகவும் அதிகாரிகள் குறிப்பிட்டு உள்ளனர். ஸ்ரீநகரில் வியாழன் அன்று பதிவான அதிகபட்ச வெப்பநிலை, இந்த சீசனிற்கான சராசரியை விட 9 டிகிரி அதிகமாக இருந்ததாக அதிகாரிகள் குறிப்பிட்டு இருக்கிறார்கள்.

அதே போல தெற்கு காஷ்மீரின் அனந்த்நாக் மாவட்டத்தில் உள்ள கோகர்நாக் பகுதியானது மே மாதத்தில் இதுவரை இல்லாத அதிகபட்ச வெப்பநிலையைப் பதிவு செய்தது. வியாழக்கிழமை இங்கே வெப்பநிலை 33.3 டிகிரி செல்சியஸாக இருந்தது. இதற்கு முன்பு இந்த பகுதியானது கடந்த 2001-ஆம் ஆண்டு மே 15-ஆம் தேதி அன்று அதிகபட்சமாக 32.6 டிகிரி செல்சியஸ் வெப்பநிலையை பதிவு செய்திருந்தது குறிப்பிடத்தக்கது.

அதே போல காசிகுண்டில் அதிகபட்சமாக 33.5 டிகிரி செல்சியஸ் பதிவாகியுள்ளது, இது 1956-ஆம் ஆண்டுக்கு பிறகு பதிவான மூன்றாவது அதிகபட்ச மே மாத வெப்பநிலையாகும். இருப்பினும், நகரத்தில் இதுவரை இல்லாத அளவுக்கு அதிகபட்ச வெப்பநிலை கடந்த ஆண்டு மே மாதத்தில் பதிவான 34 டிகிரி செல்சியஸ் தொடர்ந்து உள்ளது. மேற்கண்ட பகுதிகளில் அதிக வெப்பம் பதிவாகி வருவது இந்த கோடையில் இப்பகுதியை வாட்டி வதைக்கும் அசாதாரண வானிலை நிலவும் போக்கை அடிக்கோடிட்டு காட்டுகிறது.