நாட்டின் நிதி நிர்வாகம் தொடர்பாக ஒவ்வொரு ஆண்டும் மத்திய அரசு நிதி ஆயோக் கூட்டத்தை நடத்தி வருகிறது. அதன்படி இந்த ஆண்டுக்கான நிதி ஆயோக் ஆட்சிக் குழு கூட்டம், பிரதமர் மோடி தலைமையில் இன்று காலை தொடங்கியிருக்கிறது. அனைத்து மாநில முதல்வர்கள், துணைநிலை ஆளுநர்கள், யூனியன் பிரதேச நிர்வாகிகள் போன்றவர்கள் இந்தக் கூட்டத்தில் கலந்து கொண்டிருக்கின்றனர்.
அதேபோல தமிழக முதல்வர் ஸ்டாலின் கலந்து கொண்டிருக்கும் இந்தக் கூட்டத்தை, புதுச்சேரி முதல்வரான ரங்கசாமி புறக்கணித்திருப்பது சர்ச்சையை ஏற்படுத்தியிருக்கிறது. இதுகுறித்துப் பேசிய புதுச்சேரி எதிர்க்கட்சித் தலைவர் எம்.எல்.ஏ சிவா, “ஒன்றியத்தில் பா.ஜ.க அரசு வந்த பிறகு திட்டக்குழுவை கலைத்துவிட்டு, நிதி ஆயோக் என்ற அமைப்பை உருவாக்கியது.
