நீதிமன்ற அவமதிப்பு வழக்கில் சென்னை பெருநகர வளர்ச்சி குழுமத்தின் அப்போதைய உறுப்பினர் செயலர் அன்சுல் மிஸ்ராவுக்கு ஒரு மாத சிறை தண்டனை விதிக்கப்பட்டுள்ளது.
கையகப்படுத்தப்பட்ட நிலத்தை பயன்படுத்தாததால் திருப்பி வழங்க உத்தரவிட்டும் வழங்கவில்லை, குறித்த காலத்தில் நீதிமன்ற உத்தரவை அமல்படுத்தவில்லை என அன்சுல் மிஸ்ராவுக்கு எதிராக உயர்நீதிமன்றத்தில் வழக்கு தொடரப்பட்டது.
இவ்வழக்கு இன்று விசாரணைக்கு வந்தபோது, அரசு அதிகாரிகள் கடமை செய்யாததால் மக்கள் நீதிமன்றத்தை நாட வேண்டிய நிலை பல வழக்குகளில் உள்ளன.
அரசு அதிகாரிகள் உயரதிகாரிகளுக்கு மட்டுமல்ல சட்டத்திற்கும் பதில் சொல்லி ஆக வேண்டும் எனக் கூறிய நீதிபதி வேல்முருகன், அன்சுல் மிஸ்ராவுக்கு ஒரு மாத சிறை தண்டனை விதித்து உத்தரவிட்டார்.
