அமலாக்கத்துறையின் வேகத்தால் ரொம்பவே அதிர்ந்து போயிருக்கிறார்களாம் சீனியர் அமைச்சர்கள் சிலர். தலைநகர் மாண்புமிகுவுக்கு போன் போட்ட, ‘ஜோதி’ மாவட்ட மாண்புமிகு, ‘யோவ், அடுத்தது உன்கிட்டதான்யா வருவாங்க. ஜாக்கிரதையா இரு…’ என்றிருக்கிறார். இனிப்பு மாண்புமிகுவிடம், ‘உங்க டிபார்ட்மென்ட் டாக்குமென்ட்டெல்லாம் எக்கச்சக்கமா மாட்டியிருக்காம்ணே… சூதானமா இருங்க…’ என எச்சரித்திருக்கிறார்கள் சில எம்.எல்.ஏ-க்கள்.
இப்படித்தான் கடந்த சில நாள்களாக அடுத்து டான்ஜெட்கோ, உணவுத்துறை, பத்திரப்பதிவுத்துறை என்கிற ரெய்டு பட்டியலே அமைச்சர்களிடையே பேச்சாக இருக்கிறது. `எங்கு நம் துறைக்குள் அமலாக்கத்துறை புகுந்துவிடுமோ…’ என்ற கிலியில் பல அமைச்சர்கள் இருக்கிறார்களாம்.
