வளிமண்டல சுழற்சி மற்றும் மழை எச்சரிக்கை
மத்திய மேற்கு மற்றும் தென்மேற்கு வங்கக்கடல் பகுதிகளில் 5.8 கி.மீ உயரத்தில் வளிமண்டல மேலடுக்கு சுழற்சி நிலவுகிறது. இதேபோல், தென்னிந்திய பகுதிகளில் கீழடுக்கு சுழற்சியும், மத்திய கிழக்கு அரபிக்கடலில் மே 21ஆம் தேதி வாக்கில் மற்றொரு கீழடுக்கு சுழற்சி உருவாக வாய்ப்புள்ளதாக வானிலை ஆய்வு மையம் கணித்துள்ளது. இதன் விளைவாக, மே 22ஆம் தேதி காற்றழுத்த தாழ்வு பகுதி உருவாகி, வடக்கு நோக்கி நகர்ந்து வலுவடையக்கூடும். இதன் காரணமாக, கோயம்புத்தூர், நீலகிரி, ஈரோடு, திருப்பூர், தேனி, திண்டுக்கல், கிருஷ்ணகிரி, தர்மபுரி, சேலம், நாமக்கல், திருப்பத்தூர், வேலூர், ராணிப்பேட்டை, மதுரை, சிவகங்கை, ராமநாதபுரம், மற்றும் தென்காசி ஆகிய 17 மாவட்டங்களில் இன்று ஓரிரு இடங்களில் கனமழையும், கோயம்புத்தூர் மலைப்பகுதிகள் மற்றும் நீலகிரியில் மிக கனமழையும் பெய்ய வாய்ப்புள்ளது.
