கடலில் தவறி விழுந்து மீனவர் பலி!

புதுச்சேரி: காரைக்காலில் மீன் பிடிக்கச் சென்றபோது 19 வயது மீனவர் கடலில் தவறி விழுந்து பலியான சம்பவம் சோகத்தை ஏற்படுத்தியுள்ளது.

புதுச்சேரி மாநிலம் காரைக்கால் அடுத்த காரைக்கால்மேடு மீனவ கிராமத்தை சேர்ந்த முருகானந்தம் என்பவருக்கு சொந்தமான நாட்டுப் படகில் படகு உரிமையாளர் முருகானந்தம், காரைக்கால்மேடு பகுதி சேர்ந்த மீனவர் சைந்தவன் (19) உள்ளிட்ட ஐந்து மீனவர்கள் இன்று(மே 5) அதிகாலை மீன்பிடிக்க கடலுக்கு சென்றுள்ளனர்.

அப்போது ஆழ்கடலில் மீன் பிடித்துக்கொண்டு கரை திரும்பியபோது, கடல் சீற்றத்துடன் காணப்பட்டதால் படகில் இருந்த மீனவர் சைந்தவன் தவறி விழுந்து மாயமானார்.