அதிமுக-தேமுதிக கூட்டணி
நடந்து முடிந்த நாடாளுமன்றத் தேர்தலில், அதிமுக-தேமுதிக கூட்டணி அமைத்து போட்டியிட்டது. அப்போது நடந்த பேச்சுவார்த்தைகளில், தேமுதிகவுக்கு ஒரு ராஜ்யசபா உறுப்பினர் பதவி வழங்கப்படும் என்று வாய்மொழி உறுதி அளிக்கப்பட்டதாக தகவல்கள் வெளியாகின. இது தொடர்பான செய்தியாளர்கள் சந்திப்பிலும், தேமுதிக பொதுச்செயலாளர் பிரேமலதா விஜயகாந்த் இதனை உறுதி செய்து இருந்தார். இது தொடர்பாக எந்தவொரு எழுத்துப்பூர்வ ஒப்பந்தமும் செய்யப்படவில்லை என்று அதிமுக தரப்பு தெரிவித்திருந்தது. இதற்கு மறுப்பு தெரிவித்த ஈபிஎஸ், கூட்டணி பேச்சுவார்த்தைகளில் ராஜ்யசபா சீட் குறித்து எந்த உறுதியும் அளிக்கப்படவில்லை என்றும், இது தொடர்பாக எழுத்துப்பூர்வ ஒப்பந்தம் இல்லை என்றும் கடந்த சில நாட்களுக்கு முன்பு செய்தியாளர் சந்திப்பில் தெளிவுபடுத்தியிருந்தார். இருப்பினும், எல்.கே.சுதீஷின் இந்தப் புதிய கருத்து, அதிமுக-பாஜக கூட்டணிக்கு மேலும் கட்சிகள் இணையும் என்று எதிர்பார்க்கப்படும் சூழலில், கூட்டணி உறவுகளில் புதிய விவாதங்களைத் தூண்டியுள்ளது.
