மார்ச் 2024 உடன் முடிவடைந்த காலாண்டில் 49,000 யூனிட்களாக இருந்த மின்சார வாகன விற்பனை தற்போது 54 சதவிகிதம் அதிகரித்து 76,000 யூனிட்களாக உள்ளது.
2025ஆம் நிதியாண்டில் நிறுவனத்தின் நிகர லாபம் ரூ.1,779 கோடியிலிருந்து ரூ.2,380 கோடியாக அதிகரித்துள்ளது. அதே வேளையில் கடந்த நிதியாண்டில் மொத்த வருமானம் ரூ.44,159 கோடியாக அதிகரித்தது. இது 2023-24 நிதியாண்டில் ரூ.38,885 கோடியாக இருந்தது.
கடந்த நிதியாண்டில் அதன் ஒட்டுமொத்த இருசக்கர மற்றும் மூன்று சக்கர வாகன விற்பனை 13 சதவிகிதம் அதிகரித்து 47.44 லட்சமாக இருந்தது. இது 2023-24 ஆம் ஆண்டில் 41.91 லட்சமாக இருந்தது.
மின்சார வாகன விற்பனை கடந்த நிதியாண்டில் 44 சதவிகிதம் அதிகரித்து 2.79 லட்சம் யூனிட்களாக இருந்தது. 2023-24 நிதியாண்டில் இது 1.94 லட்சம் யூனிட்களாக இருந்தது.
டி.வி.எஸ் மோட்டார் பங்குகள் இன்றைய வர்த்தகத்தில் 2.48 சதவிகிதம் உயர்ந்து ரூ.2,803.55 ஆக முடிவடைந்தது.
இதையும் படிக்க: மீண்டும் காளையின் ஆதிக்கத்தில் பங்குச் சந்தை!
