குக் வித் கோமாளி சீசன் 6 நிகழ்ச்சியில் பங்கேற்கும் புதிய கோமாளிகள் குறித்த அறிவிப்பு வெளியாகியுள்ளது. இம்முறை 4 கோமாளிகள் புதிதாகப் பங்கேற்கவுள்ளனர்.
விஜய் தொலைக்காட்சியில் ஒளிபரப்பாகிவரும் குக் வித் கோமாளி நிகழ்ச்சிக்கு மிகப்பெரிய ரசிகர் பட்டாளம் உள்ளது. சமையல் நிகழ்ச்சியை முழுக்க முழுக்க நகைச்சுவை கலந்து கொடுப்பதால், மக்களிடம் இந்த நிகழ்ச்சி மிகுந்த வரவேற்பைப் பெற்றுள்ளது.
கடந்த 5 சீசன்களாக மக்களை சிரிக்கவும் சமைக்கவும் வைத்த இந்த நிகழ்ச்சி, 6வது சீசனில் அடியெடுத்து வைத்துள்ளது. இதில் பங்கேற்கும் கோமாளிகளே இந்த நிகழ்ச்சியின் பலமாகப் பார்க்கப்படுகிறது.
அந்தவகையில் புகழ், ராமர், சரத், சுனிதா ஆகியோர் கடந்த சீசனைத் தொடர்ந்து இம்முறையும் கோமாளிகளாகப் பங்கேற்கின்றனர். இவர்களுடன் இம்முறை 4 பேர் புதிய கோமாளிகளாகப் பங்கேற்கவுள்ளனர்.
