நாம் தமிழர் கட்சியின் தலைமை ஒருங்கிணைப்பாளர் சீமான், அந்தக் கட்சியின் கொள்கைப் பரப்பு செயலாளர் சாட்டை துரைமுருகன் நடத்திவரும் சாட்டை என்ற யூடியூப் சேனலுக்கும் தங்கள் கட்சிக்கும் எந்த தொடர்பும் இல்லை என அறிக்கை வெளியிட்டுள்ளார்.
இந்த அறிக்கையை தனது சொந்த எக்ஸ் தள பக்கத்தில் வெளியிட்டுள்ளார் சாட்டை துரைமுருகன்.
அந்த அறிக்கையில், “திருச்சி திரு.துரைமுருகன் அவர்கள் நடத்தும் “சாட்டை” வலையொளிக்கும் (YouTube Channel) நாம் தமிழர் கட்சிக்கும் எந்தத் தொடர்புமில்லை.
அதில் வருகின்ற கருத்துகள், செய்திகள் அனைத்தும் அவரது தனிப்பட்டக் கருத்தாகும், அவற்றிற்கு எந்தவகையிலும் நாம் தமிழர் கட்சி பொறுப்பு ஏற்காது என்பதை இதன் மூலம் தெரிவித்துக்கொள்கிறோம்.” என அறிவித்துள்ளனர்.
