ரிலையன்ஸ் இண்டஸ்ட்ரீஸ் நிறுவனத்தின் தலைவர் முகேஷ் அம்பானி, ரிலையன்ஸ் அறக்கட்டளையின் தலைவர் நீடா அம்பானியின் இளைய மகனான ஆனந்த் அம்பானி, ரிலையன்ஸ் இண்டஸ்ட்ரீஸ் நிறுவனத்தின் இயக்குனராக செயல்பட்டு வருகிறார். குஜராத்தின் ஜாம் நகரில் சுமார் 3000 ஏக்கர் பரப்பளவில் செயல்பட்டு வரும் வந்தாரா என்ற உயிரினங்கள் மீட்பு மற்றும் மறு வாழ்வு மையத்தையும் ஆனந்த் அம்பானி நடத்தி வருகிறார்.
இந்த வந்தாரா உலக அளவில் இந்தியாவுக்கு பெருமை சேர்த்து வருகிறது. ஆனந்த் அம்பானியின் திருமணம் கடந்த ஆண்டு கோலாகலமாக நடைபெற்றது. இதையொட்டி உலக மகா கோடீஸ்வரர்கள் முதல் பிரபலங்கள் என ஏராளமானோர் கலந்து கொண்டார்கள். ஆனந்த் அம்பானி பிரபல தொழிலதிபர் வீரேன் மெர்ச்சண்டின் மகள் ராதிகா மெர்சன்டை திருமணம் செய்துள்ளார்.
சமீபத்தில் அவர் ஜாம்நகரில் தொடங்கி துவாரகா ஆதீஷ் கோயில் வரை 170 கிலோமீட்டர் தூரம் ஆன்மீக பயணத்தை மேற்கொள்ளப் போவதாக அறிவித்திருந்தார். அதனைத் தொடர்ந்து 10 நாட்களுக்கு முன்பாக தனது பயணத்தை தொடங்கிய ஆனந்த் அம்பானி, ராம நவமியான இன்று பயணத்தை நிறைவு செய்துள்ளார்.
தனது ஆன்மீக பயணம் குறித்து ஆனந்த் அம்பானி அளித்துள்ள பேட்டியில் கூறியதாவது, ”கடவுளின் பெயரால் எனது ஆன்மிக பயணத்தை தொடங்கினேன். இது என்னுடைய ஆன்மீக யாத்திரை. பகவான் துவாரகாதீசுக்கு நன்றி தெரிவித்துக் கொள்கிறேன். என்னுடன் பாதையாத்திரையில் பங்கேற்ற அனைவருக்கும் நன்றி கூறிக் கொள்கிறேன். இந்த ஆன்மீக பயணத்தின் போது எனது தந்தை முகேஷ் அம்பானி தொடர்ந்து என்னை ஊக்கப்படுத்திக் கொண்டே இருந்தார்.
அவருக்கும் மிக்க நன்றி. பத்து நாட்களாக நடைபெற்ற எனது ஆன்மீக நடை பயணம் புனித ராம நவமியான இன்று நிறைவு செய்யப்பட்டுள்ளது. எல்லோரையும் கடவுள் மகிழ்ச்சியாகவும், திருப்தியாகவும், ஆரோக்கியமாகவும் வைக்க வேண்டும் என்று விரும்புகிறேன். எனது பயணம் நிறைவேற ஓரிரு நாட்கள் அதிகம் எடுத்துக் கொள்ளலாம் என்ற நிலை இருந்தது.
இருப்பினும் நான் ராம நவமி அன்று பயணத்தை நிறைவு செய்ய வேண்டும் என்று விரும்பி கூடுதல் கிலோமீட்டர்களை நடந்தேன்” என்று தெரிவித்தார். அவரது இந்த ஆன்மீக பயணத்தில் தாயார் நீடா அம்பானி, மனைவி ராதிகா மெர்சன்ட் ஆகியோர் துவாரகாதிஷ் கோயிலில் இணைந்தனர்.
Anant Ambani Padyatra | ராம நவமியை ஒட்டி 10 நாட்கள் பாதயாத்திரை செல்லும் ஆனந்த் அம்பானி | Reliance #AnantAmbaniPadyatra #Reliance #Ramanavami #Padyatra #News18TamilNadu #TamiNews pic.twitter.com/mdx86gPvas
— News18 Tamil Nadu (@News18TamilNadu) April 6, 2025
தனது மகனின் ஆன்மீக பயணம் குறித்து நீடா அம்பானி கூறியதாவது, “ஒரு தாயாக எனது மகனை எண்ணி பெருமை கொள்கிறேன். என் மனம் மகிழ்ச்சியால் நிறைந்துள்ளது. எல்லோருக்கும் கடவுள் ஆசிர்வதிக்க வேண்டும். ஆனந்துடன் 10 நாட்களாக நடந்து இளைஞர்கள் ஆன்மீக யாத்திரையை முடித்து நிறைவு செய்துள்ளனர். அவர்கள் நம்முடைய பாரம்பரியம், கலாச்சாரத்தை முன்னெடுத்து சென்றுள்ளார்கள்” என்று தெரிவித்தார்.
உடல்நலக் குறைவு ஏற்பட்ட போதிலும் ஆனந்த் அம்பானி அவற்றை பொருட்படுத்தாது தனது பாத யாத்திரையை வெற்றிகரமாக முடித்துள்ளார். இந்த பயணத்தின் போது உள்ளூர் மக்கள் ஆனந்த் அம்பானிக்கு உற்சாக வரவேற்பு கொடுத்தனர். இன்னும் சிலர் அவருடன் பயணத்தில் இணைந்து கொண்டார்கள். ஆனந்த் அம்பானி இந்தியாவில் உள்ள பழமை வாய்ந்த சில கோயில்களுக்கு புனரமைப்பு செய்ய நிதி உதவி வழங்கியுள்ளார்.
April 06, 2025 4:27 PM IST
