விருதுநகர் மாவட்டம் ராஜபாளையம் புதிய பேருந்து நிலையத்தில் இருந்து தினந்தோறும் மதுரை, சென்னை, திருப்பூர், கோவை, திண்டுக்கல், திருநெல்வேலி, தேனி, குமுளி, நாகர்கோவில், தென்காசி ,கொல்லம், செங்கோட்டை ஆகிய பகுதிகளுக்கு 24 மணி நேரமும் பேருந்துகள் இயக்கப்பட்டு வருகின்றது.
மேலும் தினந்தோறும் 25,000 மேற்பட்ட பயணிகள் ராஜபாளையம் புதிய பேருந்து நிலையத்திற்கு வந்து செல்கின்றனர் இந்நிலையில் பேருந்து நிலையத்திற்கு வரும் பேருந்துகளுக்கு நுழைவு கட்டணம் மற்றும் வாகன காப்பக ஒப்பந்த தொகை, கடைகள் வாடகை மற்றும் பேருந்து நிலையத்தில் உள்ள கடைகளுக்கு வரிகள் உள்ளிட்ட பல வகைகளில் நகராட்சிக்கு மாதந்தோறும் பல லட்சம் ரூபாய் வருவாய் கிடைத்து வருகின்றது.
அடிப்படை வசதி
ஆனால் பேருந்து நிலையத்தில் குடிநீர், இலவச கழிப்பறை, பயணிகள் அமர்வதற்கான இருக்கை, மற்றும் காத்திருப்பு அறை மின்விளக்கு உள்ளிட்ட அடிப்படை வசதிகளை நகராட்சி நிர்வாகம் செய்து தரவில்லை அதனால் பயணிகள் மிகவும் சிரமத்திற்கு ஆளாகி வருகின்றனர்.
சுகாதார சீர்கேடு
ராஜபாளையம் நகர் பகுதியில் கழிவுநீர் கால்வாய்களை சுத்தம் செய்து சாக்கடை கழிவுகளை நகராட்சி பணியாளர்களை பேருந்து நிலைய வளாகத்தில் வந்து கொட்டுகின்றனர், அதனால் அப்பகுதியில் மிகவும் துர்நாற்றம் வீசுகின்றது, சுகாதார சீர்கேடு நிலவுவதால் பயணிகள் அவதி அடைகின்றனர்.
பயணிகள் கோரிக்கை
பேருந்து நிலையத்தை தினம் தோறும் சுத்தமாக வைத்திருக்க வேண்டிய நகராட்சி நிர்வாகமே சாக்கடை கழிவுகளை கொட்டி பேருந்து நிலையத்தை மூலமாக மாற்றி வருவது பயணிகள் இடையே கடும் அதிர்ச்சியை ஏற்படுத்தியுள்ளது, அதனால் பயணிகளின் சுகாதாரத்தை கருத்தில் கொண்டு பேருந்து நிலையத்தில் கொட்டப்படும் கழிவுகளை இனி கொட்டாமல் இருக்க வேண்டும் எனவும் பேருந்து நிலையத்தில் தேவையான அனைத்து அடிப்படை வசதிகளையும் செய்து தர வேண்டும் என பயணிகள் நகராட்சி நிர்வாகத்திடம் கோரிக்கை விடுத்து வருகின்றனர்.
நோய் தொற்று பாதிப்பு
பேருந்து நிலையத்திற்கு தினந்தோறும் குழந்தைகள் முதல் பெரியவர்கள் வரை வந்து செல்வதால் இது போன்ற கழிவுகளை கொட்டினால் அவர்களுக்கு நோய் தொற்று பாதிப்பு ஏற்படும் எனவும் குற்றச்சாட்டை முன்வைத்துள்ளனர்
மாவட்ட ஆட்சியரின் கவனத்திற்கு கொண்டு செல்ல வேண்டும்